اوسارو
غازیؑ بھرا احسان لا
آکھے رقیہؑ میکوں ٻچڑے ملا
۱۔ میں سکدی ودی ہاں پتراں دے کیتے
ودی اوکھی جیندی ھاں پتراں دے کیتے
پتراں دے وچ ھن میں اجڑی دے ساہ
۲۔ میں عید دے پتراں دے چولے بڻائے ھن میں چاکے او کئی وار ھاں نال لائے ھن
کڈاں لال پئیسن پئی آکھے اجڑی ماء
۳۔ میں خواب ڈٹھا ہے میڈے بچڑے پئے کسدن قاتل دیاں منتاں کریندے ودے ھن
پئے ھن لٹیندے ڈونھاں دےساہ
۴۔ میڈی رات ویرڻ ہے روندے گذردی سواٻچڑیاں دے نہیں میڈی نبھدی
ڈینھں بھی روندے چڑھدئے اللہ گواہ
۵۔ڈٹھی بھیڻ روندی تہ غازیؑ بھی رو پئے
لاگل رقیہ کوں پرچیندا رہ گئے
خاک تے ٻھ ڳيا صاحب وفا
۶. کوئی وڃکے اڄڑی کوں اھو ڈساوے
لہا سر دی چادر ھائے مٹیاں پاوے
پتر کس ڳئے نی تانگھاں ھنڑ لھا
۷۔ کٹُھی جوڑی مسلمؑ دی واپس نہ آئی
ودی رووے سفراں اچ درداں روائی
درد کیویں بھلسی اسلم رضا
