Sakina Reh Gai Zindaan Main
جب اہلِ حرم نے شام کے زنداں سے رہائی پائی
سجادؑ تڑپ کے کہنے لگے جب یاد سکینہؑ آئی
تم کیسے رہوگی زنداں میں اے بابا کی شیدائی
اتنا تو بتادو صغراؑ کو کیا جاکے بتائے بھائی
سنا جب نام صغرا کا
صدا آئی سنو بھیا
لگا ہے خون جس پر وہ مرے گوہر دکھادینا
سکینہؑ رہ گئی زندان میں بھائی بتادینا
سکینہؑ رہ گئی زندان میں بھائی بتادینا
سنو بھیا شکایت ہے مجھے ان شام والوں سے
کبھی درے لگائےہیں کبھی کھینچا ہے بالوں سے
طمانچے اتنے کھائے ہیں لہو بہتا ہے گالوں سے
بہت اچھا ہوا بھیا
وطن میں رہ گئی صغراؑ
کبھی وہ شام نا آئے اُسے میری دعا دینا
سکینہؑ رہ گئی زندان میں بھائی بتادینا
سکینہؑ رہ گئی زندان میں بھائی بتادینا
ہمیں اہلِ ستم جب بھی سرِ بازار لاتے تھے
ہماری بےبسی کا وہ تماشہ یوں دکھاتے تھے
چچا کا سر گرانے کیلئے مجھکو گراتے تھے
چچا کے پاس جانے پر
زمیں سے سر اُٹھانے پر
بہت مارا لعینوں نے یہ صغرا کو بتادینا
سکینہؑ رہ گئی زندان میں بھائی بتادینا
سکینہؑ رہ گئی زندان میں بھائی بتادینا
کہیں دیکھی نہیں ایسی محبت باپ بیٹی میں
مجھے دربار میں مانگا گیا جسدم کنیزی میں
دلاسہ مجھکو دینے آگیا سر میری گودی میں
مجھے حاکم نے جب دیکھا
یہ کہکر شمر کو بھیجا
چھڑاکر باپ کا سر تازیانوں کی سزا دینا
سکینہؑ رہ گئی زندان میں بھائی بتادینا
سکینہؑ رہ گئی زندان میں بھائی بتادینا
مجھے دربار میں بابا سے ایسے بھی ملایا تھا
ستمگر سامنے خُرمے کاجب اک طشت لایا تھا
میں کتنا روئی تھی جب طشت سےکپڑاہٹایا تھا
وہاں خرمے نہیں سر تھا
بتادینا اُسے بھیا
وہ روئے تو مری غربت کا اُسکو واسطہ دینا
سکینہؑ رہ گئی زندان میں بھائی بتادینا
سکینہؑ رہ گئی زندان میں بھائی بتادینا
کوئی بیٹی نہ دیکھے رن میں دیکھا میں نے جو منظر
گئی لاشوں سے ٹکراتے ہوئے بابا کے لاشے پر
کٹی اُنگلی بدن میں تیر دیکھے کٹ چکا تھا سر
نشاں تیروں کے اے بھیا
نہ دیکھے فاطمہ صغراؑ
پدر کا خوں بھرا کرتا وطن جاکر چھپادینا
سکینہؑ رہ گئی زندان میں بھائی بتادینا
سکینہؑ رہ گئی زندان میں بھائی بتادینا
سکینہؑ جانتی ہے کیسے دیکھا زخم سینے پر
اُسے کیسے بتاؤگے نہیں آئے علی اکبرؑ
بہن مرجائیگی بھائی کے مرنے کی خبر سنکر
بہت حساس ہے صغرا
گلے سے تم لگالینا
ترا میں بھی تو بھائی ہوں یہ کہکر حوصلہ دینا
سکینہؑ رہ گئی زندان میں بھائی بتادینا
سکینہؑ رہ گئی زندان میں بھائی بتادینا
چلے عابدؑ تو ذیشان و رضا آواز یہ آئی
وطن جاتے ہوئے جب کربلا جانا مرے بھائی
مرے عمو سے کہدینا سکینہؑ مر گئی پیاسی
نہیں پانی کا غم ہائے
چچا تم کیوں نہیں آئے
اندھیری قید میں گھٹ گھٹکے موت آئی بتادینا
سکینہؑ رہ گئی زندان میں بھائی بتادینا
سکینہؑ رہ گئی زندان میں بھائی بتادینا
#syedrazaabbaszaidi #sakinarehgaizindaanmain
#nohay2023 #muharram2023
