Shahadat e Shahzada Ali Asghar Lyrics
Shah Jab Lasha e Beshaeer Ko Hathon Pe Leyay
Haye Maidan Se Khaimon Ke Taraf Jane Lagy
Rah Main Sath Qadam Agy Barhay Pechy Hatay
Apny Zanon Pe Phr Asghar Ka Janaza Rakh Ke
Kesy Shabbir Ne Dil Apna Sambhala Hoga
Teer Jab Gardan e Asghar Se Nikala Hoga
Khainch Kr Teer Phir Ek Bar Shah e Deen Chaly
Lash Uthaye Howy Jab Khaimay Ke Dar Per Pohnchaya
Parda Khaimay Ka Hataty Howy Kuch Dare Rukay
Yaad Jab Aye Sakina To Yay Keh Kr Paltay
Ghum Se Mar Jayege Jab Samny Ayege Behan
Bhai Ka Zakhmi Gala Dekh Na Payege Behan
Agaye Lasha Leyay Khaimon Ke Pechy Shah e Deen
Bolay Asghar Ke Taraf Dekh Ke aye Mery Haseen
Kash Ke Hum Bhe Tere Sath He Mar Jaty Wahe
Haye Itna To Tujhe Teer Ne Bhe Mara Nahi
Run Main Mara Hai Tujhe Garm Hawa Ne Jitna
Moun Khula Reh Gaya Pyasa Tha Na Jane Kitna
Shiddat e Dhop Wo Sehra Ke Tapish Loo Ke Chubhan
Qabar Talwar Se Jab Khod Chukay Shah e Zaman
Ro Ke Kehny Lagy Phela Ke Abba Ka Daman
Kahn Yay Jalti Zameen Aur Kahn Nazuk Sa Badan
Kabhe Choma Kabhe Sene Se Lagaya Lasha
Baap Ne Qabar Main Rakh Rakh Ke Uthaya Lasha
Ya Ali Keh ke Jo Phir Qabar Main Lasha Rakha
Maa Na Ajaye Kaye Bar Yay Uth Kr Dekha
Paon Ke Simt Se Tadfeen Ka Aghar Keya
Tan Chupaty Howy Jab Hath Galy Tak Pohncha
Bosa Besheer Ke Gardan Ka Bari Dare Leya
Khak Main Chahra Chupaty Howy Moun Pher Leya
Sar Charhaye Gaye Jab Naizon Pe Ak Sar Na Mila
Khak Main Naiza Garhaty Howy Zalim Nikla
Dhondty Dhondty Wo Khaimay Ke Pechy Pohncha
Mar Kar Neza Jo Khaincha To Badan Sath Aya
Run Main Jab Umme Rubab Aye Yay Manzar Dekha
Apny Bachy Ka Badan Nok e Sina Per Dekha
Haye Zeeshan O Raza Zulm Yahn Bhe Na Ruka
Jab Taraptay Howy Beeshir Ke Maa Ko Dekha
Usne Naizay Se Badan Khainch Ke Matti Pe Rakha
Samny Maa Ke Gala Kat Deya Asghar Ka
Yay Laien Jane Ya Maa Jane Ya Jane Asghar
Neza Us Sar Main Peroya Tha Ya Phir Naizay Main Sar
