بسم رب الحسینؑ
نوحہ پاک
ودا پتر دی لاش گلیندا ہے وچ مقتل گاھ مظلوم جو ہے
ہر قدم اتے جھنڑ پوندا ہے پیو اکبرؑ دا مظلومؑ جو ہے
لڳ ڳئی ہے سانگ جگر دیوچ اکبر مھمان ہے لحظے دا
پیو ٻڈھڑا ڳنڑدا آندا ہے ٻچڑے دے ساہ مظلومؑ جو ہے
کوئی لاش اکبرؑ دی ڳولھ ڈیوے میڈا یوسفؑ زین توں جھنڑ ڳيا ہے
ودا سھنڑیں پتر دے قاتلاں توں پچھدا ہے راہ مظلومؑ جو ہے
اکبرؑ دے لانویں دا جوڑا تھی جگر دے خون اچ سرخ ڳيا
چائی آندئے پتر دے کفن کیتے پیو خاک شفا مظلومؑ جو ہے
ہتھ رکھ کے جھکی ہوئی کمر اتے آھدا ہا اکبرؑ نہیں بچدا
ودا جیندے پتر تے پڑ ھدا ہے اناﷲ مظلومؑ جو ہے
کوئی تیر مریندئے جھنڑ پوندئے کوئی رستہ ڈیندئے ٹر پوندئے
ودا اوکھے سفر کریندا ہے ابن زہراؑ مظلومؑ جو ہے
رفیق جنازہ اکبرؑ دا ھئی عین شباب دے عالم وچ
پیو جھک جھک لاشہ اکبرؑ دا ودا ہے چئیندامظلومؑ جو ہے
